ក្រសួងសាធារណការ រៀបចំសិក្ខាសាលាស្តីពីផែនការមេប្រព័ន្ធដឹកជញ្ជូនឆ្លាតវៃដោយផ្អែកលើ Big Data នៅកម្ពុជា
សិក្ខាសាលានេះគាំទ្រដោយគម្រោង ICAK របស់ក្រសួងដែនដី ហេដ្ឋារចនាសម្ព័ន្ធ និងដឹកជញ្ជូនសាធារណរដ្ឋកូរ៉េ ដែលគោលបំណង បង្ហាញដល់មន្រ្តីជំនាញក្នុងការស្វែងយល់លម្អិតពីគម្រោងដែលគ្រោងនឹងអនុវត្ត ពាក់ព័ន្ធនឹងប្រព័ន្ធដឹកជញ្ជូនឆ្លាតវៃ (ITS) និងការរៀបចំផែនការមេសម្រាប់ ITS ដែលមានដូចជា៖ ១. គោលបំណង និងទស្សនៈវិស័យរបស់ ITS នៅកម្ពុជា ២. ស្ថានភាពបច្ចុប្បន្ន និងកំណត់គោលដៅ ITS នៅកម្ពុជា ៣. យុទ្ធសាស្ត្រ និងការអនុវត្តសម្រាប់បង្កើតឱ្យមាន ITS នៅប្រទេសកម្ពុជា និង ៤. រៀបចំគោលការណ៍ណែនាំប្រព័ន្ធច្បាប់សម្រាប់ការបង្កើត ITS Master Plan របស់កម្ពុជា។
ដើម្បីរៀបចំប្រព័ន្ធដឹកជញ្ជូនឆ្លាតវៃ និងផែនការមេសម្រាប់ ITS អង្គសិក្ខាសាលាបានពិនិត្យលើបន្ទប់តាមដាន និងវិភាគចរាចរណ៍ នៅអគារទីស្តីការក្រសួងជាន់ទី៧ ក្នុងការពិចារណាជាជម្រើសសម្រាប់រៀបចំ ជាបន្ទប់ត្រួតពិនិត្យចរាចរណ៍ផងដែរ៕
0 Comments:
Post a Comment